Bummel 2017 Stamm
Ein Bericht aus dem Lälli 2017/2018 - 01:
Dank de Organisatore vom Bummel het me scho am Afang e
feins Z'morge könne gniesse. Die früsche Gipfeli und dr Kaffi sin
e guete Start und e Tag gsi, wo me Hauptsächlich ummegloffe
isch. S Prgramm isch e Gruppewettkampf gsi, wos drum gange
isch, wär d Stadt Basel besser kennt, bzw. wär schnäller amene
bestimmt Ort ka si und s Rätsel ka löse. Es isch sehr spannend gsi
und jede het d Stadt Basel uf e gwüssi Art neu entdeckt.
S Zmittag het me wie an dr Fasnacht im Käller gässe. Nachdäm
alli gstärkt us em Käller ufeko sin, het me auscho agfange mit
em Gässle. Das isch au das Johr denne bis am 10ni gange. Vo
mir us hätts au länger könnte go. Nach dr Tagwach am Schluss
sin denne paar no öbis go trinke und gwüssi scho heime.
